நடப்பு கல்வி ஆண்டிற்கான கியூட் நுழைவுத்தேர்வு கடந்த 4ம் தேதி தொடங்கி நடந்து வருகிறது. காலை, மாலை 2 ஷிப்ட்டுகளாக தேர்வுகள் நடக்க இருந்த நிலையில் தொழில்நுட்ப கோளாறால் 17 மாநிலங்களில் சில மையங்களில் முதல் ஷிப்ட் தேர்வுகள் தள்ளி வைக்கப்பட்டன.
இதுகுறித்து தற்போது புதிய அறிவிப்பை வெளியிட்டுள்ள தேசிய தேர்வு முகமை, தொழில்நுட்ப மற்றும் நிர்வாக கோளாறுகளால் தேர்வு ரத்து செய்யப்பட்ட மாணவர்களுக்கு மீண்டும் தேர்வுகள் ஆகஸ்டு 24 முதல் 28ம் தேதி வரை நடைபெற உள்ளதாக அறிவிக்கப்பட்டுள்ளது. இந்த தேர்வுக்கான ஹால் டிக்கெட்டுகள் தேர்வுக்கு சில நாட்கள் முன்னதாக வழங்கப்படும் என்றும் கூறப்பட்டுள்ளது.
