கர்நாடக காங்கிரஸ் கட்சியின் முக்கிய தலைவரும் நடிகையும், முன்னாள் எம்பியுமான திவ்யா ஸ்பந்தனா என்ற 'குத்து' ரம்யா, அவ்வப்போது சர்ச்சைக்குரிய வகையில் பேசி வாங்கி கட்டிக்கொள்வதை வழக்கமாக கொண்டுள்ளார். அந்த வகையில் இந்திய ரூபாயின் மதிப்பு உயர்ந்து கொண்டே போவதை இந்தியா பாகிஸ்தான் போட்டியுடன் ஒப்பிட்டு பதிவு செய்த ஒரு டுவீட்டை வைத்து நெட்டிசன்கள் வச்சு செய்து வருகின்றனர்.
இந்த போட்டியில் கேதார் ஜாதவ்வின் பந்துவீச்சு குறித்து குறிப்பிட்ட நடிகை திவ்யா, '“கேதர் ஜாதவின் பந்துவீச்சு வேகம் குறைந்துள்ளது. ஆனால், இந்திய ரூபாயின் மதிப்பின் அளவுக்கு குறைந்துவிடவில்லை” என மத்திய அரசை கிண்டல் செய்தார்
இந்த டுவீட்டுக்கு பதிலடி கொடுத்த கர்நாடக பாஜக, 'கேதர் ஜாதவ் பந்து வீச்சை பற்றி எந்த கருத்தும் இல்லை. ஆனால், உங்கள் (திவ்யா ஸ்பந்தனா) அறிவுத்திறன் ஒட்டு மொத்த பாகிஸ்தான் அணியின் செயல்பாட்டை விட குறைவுதான்” என்று பதிவு செய்திருந்தது.
