ரயில் கட்டணத்தை உயர்த்தும் முடிவு மமதாவுக்கு முன்பே தெரியும் - தினேஷ் திரிவேதி குற்றச்சாற்று

PTI Photo

FILE

ரயில் கட்டணம் கட்டணத்தை உயர்த்தும் முடிவு மமதாவுக்கு முன்பே தெரியும் என தினேஷ் திரிவேதி குற்றம் சாற்றினார்.

மத்திய ரயில்வே அமைச்சராக இருந்த திரிணாமுல் காங்கிரசை சேர்ந்த தினேஷ் திரிவேதி, தாக்கல் செய்த ரயில்வே பட்ஜெட்டில் பயணிகள் கட்டணத்தை உயர்த்தி அறிவித்ததற்கு திரிணாமுல் காங்கிரஸ் தலைவர் மமதா பானர்ஜி கடும் எதிர்ப்பு தெரிவித்தார்.

மேலும் ரயில் கட்டணத்தை உயர்த்துவது பற்றி மமதா தனக்கு எதுவும் தெரியாது என்றும், தினேஷ் திரிவேதி தன்னிசையாக எடுத்த முடிவு என்றும் கூறினார்.

மேலும் அவரை பதவி நீக்கம் செய்ய வேண்டும் எனவும் பிரதமரை வலியுறுத்தி வந்தார். இதையடுத்து தினேஷ் திரிவேதி பதவியை ராஜினாமா செய்தார்.

இது பற்றி செய்தியாளர்களிடம் பேசிய அவர்,

மமதா பானர்ஜிக்கு நெருக்கமான அரசு அதிகாரி ஒருவர் என்னுடன் அடிக்கடி தொடர்பு கொள்வார். அவரிடம் ரயில்வே பட்ஜெட்டில் பயணிகள் கட்டணத்தை உயர்த்தப்போகும் திட்டத்தை கூறினேன்.

அதற்கு அவர், கட்டணத்தை உயர்த்தவில்லை எனில், ரயில்வே துறை மிகவும் மோசமான நிலைக்கு சென்றுவிடும் என்று கூறினார்.

கட்டணம் உயரப்போவது குறித்து அந்த அதிகாரி மூலம் மமதா பானர்ஜிக்கு முன்கூட்டியே தெரியும். அந்த அதிகாரியிடம் கட்டணம் உயரப்போகும் விவரத்தை தெரிவித்ததே, மமதா பானர்ஜிக்கு அந்த தகவல் தெரிய வேண்டும் என்பதற்காகதான்.

எனவே கட்டணம் உயரப்போகும் தகவலை மமதா பானர்ஜியிடம் அவர் சொல்லி இருக்கமாட்டார் என்று நம்புவதற்கு எந்த முகாந்திரமும் இல்லை என தெரிவித்தார்.


News Summary : Dinesh Trivethi said that Trinamool Congress Chief Mamata Banerjee knew about proposals in the rail budget presented by him.