கொரோனாவால் உலகம் முழுவதும் படப்பிடிப்பு பணிகள் பாதிக்கப்பட்டுள்ளன. பிரபல ஹாலிவுட் நடிகர் டாம் க்ரூஸ் நடித்து, தயாரித்து வரும் மிஷன் இம்பாஸிபிள் படத்தின் அடுத்த பாகமும் பாதி ஷூட்டிங் முடிந்த நிலையில் கிடப்பில் போடப்பட்டுள்ளது. இந்நிலையில் இந்த படத்தின் மீத ஷூட்டிங்கை லண்டனில் தனியாக செட் போட்டு நடத்தவும் டாம் க்ரூஸ் திட்டமிட்டு வருவதாக தகவல்கள் வெளியாகின.
கொரோனாவால் திரையரங்குகளும் திறக்கப்படாத நிலையில் புதிய படங்கள் எதுவும் வெளியாகமல் இருந்தது. தற்போது உலகம் முழுவதும் சில திரையரங்குகளே திறக்கப்பட்டுள்ள நிலையில் ஹாலிவுட் இயக்குனர் க்றிஸ்டோபர் நோலனின் டெனட் திரைப்படம் வெளியாகியுள்ளது. இந்த படம் பரவலாக எதிர்பார்க்கப்பட்ட நிலையில் சில தியேட்டர்களில் மட்டும் வெளியாகியுள்ளது ரசிகர்களை வருத்தத்தில் ஆழ்த்தியுள்ளது.
