2006 ஆம் ஆண்டு இயக்குனராக பல வெற்றிப்படங்களைக் கொடுத்த சுந்தர் சி, நடிகர் அவதாரம் எடுத்த முதல் படமான தலைநகரம் வெளியானது. வடிவேலுவின் நகைச்சுவை காட்சிகள் மிகப்பெரிய ப்ளஸ் பாய்ண்ட்டாக இந்த படத்துக்கு அமைய படம் மிகப்பெரிய வெற்றி பெற்றது. இதையடுத்து சுந்தர் சி வரிசையாக படங்களில் நடிக்க ஆரம்பித்தார்.
ஒரு கட்டத்தில் படங்கள் தோல்வி அடையவே மீண்டும் இயக்குனரானார். இப்போது அவர் இயக்கும் படங்கள் தோல்வி அடைவதால் நடிப்பு, இயக்கம் என பயணித்து வருகிறார். இந்நிலையில் இப்போது தலைநகரம் படத்தின் இரண்டாம் பாகத்தில் வி இசட் துரை இயக்கத்தில் நடித்து வருகிறார். இதன் படப்பிடிப்பு விறுவிறுப்பாக நடந்து வந்த நிலையில் தற்போது மொத்த படப்பிடிப்பும் நிறைவடைந்துள்ளதாக படக்குழு அறிவித்துள்ளது.
