விலை குறைந்த ரெட்மி ஸ்மார்ட்போன்: எவ்வளவு தெரியுமா?
வியாழன், 13 டிசம்பர் 2018 (15:23 IST)
சியோமி நிறுவனம் தனது ஸ்மார்ட்போன்கள் மீது கடந்த மாதம் விலை உயர்வை அமல்படுத்தியது. ரூ.600 முதல் ரூ.1000 வரை விலை உயர்த்தப்பட்டது.
இந்த விலை உயர்வுக்கு இந்திய ரூபாய் மதிப்பின் சரிவே காரணம் என சியோமி நிறுவனம் தெரிவித்திருந்தது. இந்நிலையில், தற்போது சியோமி தனது ஸ்மார்ட்போன் மீது விலை குறைப்பை இன்று முதல் செயல்பாட்டில் கொண்டுவந்துள்ளது.
அதன்படி, ரெட்மி 6ஏ ஸ்மார்ட்போனின் 2 ஜிபி ராம், 16 ஜிபி மெமரி விலை ரூ.5,999 என்றும் 2 ஜிபி ரேம், 32 ஜிபி மெமரி மாடல் ரூ.6,999க்கு விற்பனை செய்யப்படுகிறது.
இதற்கு முன்னர் சியோமி ரெட்மி 6 மற்றும் ரெட்மி 6ஏ ஸ்மார்ட்போன்களின் விலை முறையே ரூ.8,499 மற்றும் ரூ.6,592 விலையில் விற்பனை செய்யப்பட்டன என்பது குறிப்பிடத்தக்கது.
இந்த ஸ்மார்ட்போன்கள் அமேசான் மற்றும் சியோமியின் அதிகாரப்பூர்வ வலைதளங்களில் விற்பனை செய்யப்படுகிறது.
