மொபைல் போன்களுக்கு 10 இலக்க எண்கள் தற்போது நடைமுறையில் உள்ளன.
மொபைல் போன்களுக்கு 10 இலக்க எண்களுக்கு பதிலாக 11 இலக்க எண்களை அறிமுகம் செய்ய மத்திய தொலை தொடர்பு துறை முடிவு செய்துள்ளது.
கடந்த 2003-ம் ஆண்டு 10 இலக்க எண்களை அறிமுகப்படுத்திய தொலைதொடர்பு துறை, அடுத்த 30 ஆண்டுகளுக்கு இந்த எண்களை பராமரிக்க முடிவு செய்திருந்தது.
ஆனால் மொபைல்போன் பயன்பாடு மற்றும் தொலைதொடர்பு துறையின் அசுர வேக வளர்ச்சியால் மொபைல்போன் வாடிக்கையாளர்களின் எண்ணிக்கை எதிர்பாராத அளவுக்கு அதிகரித்து வருகிறது.
இதனால் மொபைல்போன் நிறுவனங்களுக்கு 10 இலக்க எண்களை அளிப்பதில் விரைவில் சிக்கல் ஏற்படலாம். இதனை கருத்தில் கொண்டு விரைவில் 11 இலக்க எண்களை அறிமுகப்படுத்த தொலைதொடர்பு துறை முடிவு செய்துள்ளது.
