லண்டன் உலோகச் சந்தையில் தங்கத்தின் விலை உயர்ந்ததையடுத்து, வணிகர்கள் அதிகம் வாங்கிவருவதன் காரணமாக தங்கத்தின் விலை இன்று மட்டும் ரூ.285 உயர்ந்து ரூ.27,275 ஆக அதிகரித்துள்ளது.
ஆனால் தொடர்ந்து சரிந்து வரும் வெள்ளியின் விலை இன்றும் கிலோவிற்கு ரூ.200 குறைந்து ரூ.53,300 ஆக குறைந்துள்ளது.
ஐரோப்பிய நாடுகள் எதிர்கொண்டுவரும் கடன் சுமையினால் பொருளாதாரம் மேலும் நெருக்கடிக்கு உள்ளாகலாம் என்கிற அச்சத்தின் காரணமாக, முதலீட்டாளர்கள் தங்கத்தை வாங்குவதால், லண்டன் சந்தையில் தங்கத்தின் விலை அவுன்ஸூக்கு 10.28 டாலர் அதிகரித்து 1,668.60 டாலர்களாக அதிகரித்துள்ளது.
நிதிச் சந்தையில் ஏற்பட்டுவரும் வீழ்ச்சியும் தங்கத்தில் முதலீட்டை அதிகரித்துவருவதாக பன்னாட்டு சந்தைகள் தெரிவிக்கின்றன.
சவரன் விலை (8 கிராம்) ரூ.100 அதிகரித்து ரூ.22,000 ஆக அதிகரித்துள்ளது.
