புதிய மற்றும் புதுப்பிக்கவல்ல எரிசக்தி துறையில் விஞ்ஞானி வேலைக்கு விண்ணப்பிக்கலாம்!
சனி, 6 டிசம்பர் 2008 (14:14 IST)
புதிய மற்றும் புதுப்பிக்கவல்ல எரிசக்தி துறையில் (MNRE) விஞ்ஞானிகள் கிரேடு 'பி' பதவிக்கு (Scientists 'B') தகுதி உள்ளவர்களிடம் இருந்து விண்ணப்பங்கள் வரவேற்கப்படுகின்றன.
காலியாக உள்ள மொத்தம் 14 இடங்களுக்கு (3- ஓ.பி.சி., 2- எஸ்.சி., 1- எஸ்.டி. 8- பொது) தகுதியானவர்கள் நேரடி நியமனம் மூலம் தேர்வு செய்யப்பட உள்ளனர்.
இந்த பதவிக்கு அங்கீகரிக்கப்பட்ட பல்கலைக் கழகத்தில் இருந்துப் பெறப்பட்ட அறிவியல் / கணிதம் / புள்ளியியலில் முதுகலைப் பட்டம் / இளநிலை பொறியியல் அல்லது தொழில்நுட்ப பட்டம் அல்லது அதற்கு இணையான கல்வித் தகுதியைப் பெற்றிருக்க வேண்டும்.
அறிவியல் மற்றும் தொழில்நுட்ப நிறுவனங்களில் ஆராய்ச்சி பிரிவில் அனுபவம் பெற்றிருப்பது விரும்பத்தக்கதாககும்.
இப்பணிக்கு 30 வயதுக்கு மிகாமல் இருக்க வேண்டும். அரசு பணியாளர்களுக்கு 5 ஆண்டுகளும், தாழ்த்தப்பட்ட, பழங்குடியின, மிகவும் பிற்படுத்தப்பட்ட வகுப்பினருக்கு மத்திய அரசு அவ்வப்போது வழங்கும் அறிவுரையின்படி வயதில் தளர்வு உண்டு.
இப்பதவிக்கான அடிப்படை சம்பளமாக 15,600-39,100 + 5,400 மற்றும் வழக்கமான இதர படிகளும் வழங்கப்படும்.
பூர்த்தி செய்யப்பட்ட விண்ணப்பங்களை அறிவிப்பு வெளியான 6 வாரத்துக்குள் "புதிய மற்றும் புதுப்பிக்கவல்ல அமைச்சகம், பிளாக் எண் 14 சி.ஜி.ஓ. வளாகம், லோடி சாலை, புதுடெல்லி - 110 003" என்ற முகவரிக்கு அனுப்பி வைக்க வேண்டும்.
மேலும், விவரங்களுக்கு நவம்பர் 29ஆம் தேதி வெளியான எம்ப்ளாய்மண்ட் செய்தி, ரோஜர் சமாஜார் இதழில் வெளியாகி உள்ள விளம்பரங்களைப் பார்த்து தெரிந்து கொள்ளலாம்.
