முதல் டெஸ்ட் போட்டியில் விளையாடும் இங்கிலாந்து அணி வீரர்கள் பெயரை தேர்வாளர் விடாஹெர் வெளியிட்டார். அதில் 6 வேகப்பந்து வீச்சாளர்கள் இடம்பெற்றுள்ளனர். அணியில் உள்ள 13 வீரர்களில் ஜேம்ஸ் ஆண்டர்சன், ஸ்டூவர்ட் பிராட், கிறிஸ் ஜோர்டான் மற்றும் பிளாங்கெட் ஆகிய நான்கு முக்கிய வேகப்பந்து வீச்சாளர்கள் இலங்கைக்கு எதிராக தொடர்ச்சியாக விளையாடியுள்ளனர்.
ஆனால், இந்த 4 பேர் தவிர சில சமயங்களில் பென் ஸ்டோக்ஸ், கிறிஸ் வோக்ஸ் ஆகியோர் களமிறங்க வேண்டும் என்பதே தேர்வாளரின் எதிர்பார்ப்பு. இலங்கை அணிக்கு எதிரான தொடரில் வோக்ஸ் இடம் பெற்றிருந்தாலும் ஆடும் லெவனில் ஈடுபடவில்லை. ஆனால், பென் ஸ்டோக்ஸ் ஆஸ்திரேலிய அணிக்கு எதிராக 4 போட்டியில் விளையாடி 15 விக்கெட்டுக்கள் கைப்பற்றி உள்ளார்.
“குறைந்த காலத்தில் 5 போட்டிகளில் விளையாட இருக்கிறோம். சில சமயத்தில் அனைத்து வீரர்களும் விளையாட வேண்டியிருக்கும். எனவே, அணியில் 6 வேகப்பந்து வீச்சாளர்களை சேர்த்ததற்கு இதுவும் ஒரு காரணம். போட்டி தொடங்கும்போது அவர்கள் இந்திய அணியின் பலம் மற்றும் பலவீனத்தைப் பற்றி ஆராய வேண்டும்” என்றும் தேர்வாளர் விடாஹெர் கூறினார்.