சமீபத்தில் மூன் டிவி மற்றும் டைம்ஸ் நவ் ஆகிய தொலைக்காட்சிகள் இணைந்து ஸ்டிங் ஆப்ரேஷன் நடத்தினர். அதில் கூவத்தூரில் இருந்து தப்பி வந்து ஓ.பி.எஸ் அணியில் இணைந்த எம்.எல்.ஏ.சரவணன், சசிகலா ஆதரவு அதிமுக எம்.எல்.ஏ.க்களுக்கு ரூ.10 கோடி வரை தொகை வழங்கப்பட்டது என கூறும் வீடியோவை வெளியிட்டனர்.
கூவத்தூரில் சசிகலா ஆதரவு எம்.எல்.ஏ.க்கள் அடைத்து வைக்கப்பட்டதாக செய்திகள் வெளியானபோது ஓ.பி.எஸ் அணியினர் எம்.எல்.ஏ.க்கள் விலை போய்விட்டனர் என தெரிவித்தனர். ஆனால் தற்போது ஓ.பி.எஸ் அணியில் இருக்கும் மாஃபா பாண்டிராஜன் இதற்கு எதிர்ப்பு தெரிவிக்கும் விதத்தில் கருத்து கூறியிருப்பது பெரும் அதிர்ச்சியளித்துள்ளது.
