நடிகர் விஜய் மற்றும் விஜய் சேதுபதி நடிப்பில் உருவாகியுள்ள படம் மாஸ்டர். இப்படத்தில் விஜய்க்கு ஜோடியாக மாளவிகா மோகனன் நடித்துள்ளார். அனிருத் இசையமைத்துள்ளார்.
வரும் ஜனவரி 13 ஆம் தேதி இப்படத்தை தியேட்டரில் வெளியிடுவதாகப் படக்குழு தெரிவித்துள்ளது. அதேசமயம் நடிகர் விஜய் சமீபத்தில் முதல்வர் எடப்பாடி பழனிசாமியை சந்தித்து, தியேட்டர்களில் 100 சதவீதம் பார்வையாளர்களுக்கு அனுமதி வழங்கவேண்டுமென கோரிக்கை விடுத்திருந்தார்.
இதுகுறித்து அமைச்சர் கடம்பூர் ராஜு கூறியுள்ளதாவது :
வரும் 13 ஆம் தேதி வெளியாகவுள்ள நிலையில், 100% திரையங்குகள் திறக்க வேண்டுமென நடிகர் விஜய் சமீபத்தில் முதல்வரைச் சந்தித்து கோரிக்கை விடுத்திருந்தார். எனவே முதல்வர் ஆலோசித்து நல்ல முடிவெடுப்பார் என அமைச்சர் தெரிவித்துள்ளார்.
