தமிழ் சினிமாவில் கோவை சரளாவுக்குப் பிறகு நகைச்சுவை நடிகை இல்லை என்ற குறையை போக்கியவர் ஆர்த்தி. இவர் குழந்தை நட்சத்திரமாக சினிமாவில் நுழைந்து பிறகு தொலைக்காட்சி நிகழ்ச்சிகளை தொகுத்து வழங்கி பிரபலமடைந்து அதன் பிறகு வெள்ளித்திரையில் அறிமுகமாகி வடிவேலு, விவேக் போன்ற முன்னணி காமெடி நடிகர்களுடன் நடித்து கலக்கினார்.
இந்நிலையில் தற்போது கொரோனா ஊரடங்கு உத்தரவின் காரணமாக அனைவரும் வீட்டில் இருந்து வ்ருகின்றனர். பிரபலங்கள் 24 மணி நேரமும் சமூக வலைத்தளங்களில் நேரத்தை செலவிட்டு வருகின்றனர். அந்தவகையில் நடிகை ஆர்த்தி தனது ட்விட்டர் பக்கத்தில் ரசிகர்களின் கேள்விளுக்கு பதிலளித்தார். அப்போது ரசிகர் ஒருவர் எங்கள் தளபதி விஜய் அண்ணாவை பற்றி சொல்லுங்கள் என கேட்டதற்கு " தமிழக தாய்மார்களின் செல்லப்பிள்ளை'' என்று கூறி ஒரே வார்த்தையில் ஆஃ ப் செய்துவிட்டார் ஆர்த்தி
