கடந்த 24 மணி நேரத்தில் புதிதாக 3,26,098 பாதிப்பு... இந்திய கொரோனா நிலவரம்!

சனி, 15 மே 2021 (10:10 IST)
இந்தியாவில் கொரோனா தினசரி பாதிப்பு முன்னெப்போதும் இல்லாத வகையில் 3 லட்சத்தை தாண்டியுள்ளது பெரும் அதிர்ச்சியை ஏற்படுத்தியுள்ளது.

 
கொரோனா பாதிப்புகள் காரணமாக இந்தியாவில் பல்வேறு மாநிலங்களில் ஊரடங்கு தீவிரப்படுத்தப்பட்டு வருகிறது. எனினும் நாளுக்கு நாள் கொரோனா பாதிப்புகள் அதிகரித்து வருகின்றன. இந்நிலையில் தற்போதைய நிலவரத்தின் படி, கடந்த 24 மணி நேரத்தில் புதிதாக  3,26,098 பேர் கொரோனாவால் பாதிக்கப்பட்டுள்ளனர். இதன் மூலம், நாட்டின் மொத்த பாதிப்பு எண்ணிக்கை 2,43,72,907 ஆக உயர்ந்தது.
 
மேலும், புதிதாக 3,890  பேர் உயிரிழந்துள்ளனர். இதன் மூலம், நாட்டின் மொத்த உயிரிழந்தோர் எண்ணிக்கை 2,66,207 ஆக உயர்ந்துள்ளது. கொரோனா தொற்றில் இருந்து ஒரே நாளில் 3,53,299 பேர் குணமடைந்துள்ளனர். இதன் மூலம், நாட்டில் மொத்தம் குணமடைந்தோர் எண்ணிக்கை 2,04,32,898 ஆக உயர்ந்துள்ளது. மேலும், இந்தியாவில் கொரோனா தொற்றால் பாதிக்கப்பட்ட 36,73,802 பேர் மருத்துவமனையில் சிகிச்சை பெற்று வருகின்றனர் என்பது குறிப்பிடத்தக்கது. 

வெப்துனியாவைப் படிக்கவும்

தொடர்புடைய செய்திகள்