நாசர் இதுவரை அவரது அப்பா, அம்மாவை கூட கடந்த பல வருடங்களாக பார்க்க வரவில்லை என்றும், அவரது மனைவி கமீலா, மாமனார் மாமியாரையே கவனித்து கொள்ள மறுத்த நிலையில் அவர் எப்படி நாட்டு மக்களை கவனித்து கொள்வார் என்றும் ஜவஹர் அந்த வீடியோவில் கூறியுள்ளார்.
நாசர் இதுவரை தனது மகன்களை தங்களிடம் அறிமுகம் செய்தது கூட இல்லை என்றும் கூறிய ஜவஹர், ஊருக்கு மட்டும் உபதேசம் செய்யும் நாசர், தனது சொந்த குடும்பத்தை அலட்சியம் செய்தவர் என்றும் கூறினார்.
எனவே மத்திய சென்னை வேட்பாளராக களமிறங்கியிருக்கும் தனது அண்ணி கமீலாவுக்கு வாக்களிக்க வேண்டுமா? என்பதை அந்த தொகுதி வாக்காளர்கள் யோசிக்க வேண்டும் என்று கூறிய ஜவஹர், விரைவில் செய்தியாளர்களை சந்தித்து பல உண்மைகளை வெளியிடுவேன் என்றும் அவர் கூறியுள்ளார்.
