புதிய மாடல் மொபைல்களை இனி ஆன்லைனில் ஆஃபரில் விற்பதில்லை என பிரபலமான ஓப்போ, ரியல்மி, விவோ நிறுவனங்கள் தெரிவித்துள்ளன.
இதை சுட்டிக்காட்டிய அனைத்து இந்திய செல்போன் விற்பன்னர்கள் ஆன்லைன் தளங்கள் இதுபோல சலுகை விலையை அறிவிக்கவோ, விற்கவோ உரிமை இல்லையென்றும், இதனால் செல்போன் கடைகளில் மொபைல் விற்பனை குறைந்து விட்டதாகவும் குற்றம் சாட்டினர். முக்கியமாக ஒவ்வொரு முறையும் புதிய மாடல் மொபைல்களை குறைந்த ஆஃபரில் ஆன்லைனில் வெளியிடும் ஓப்போ, விவோ, ரியல்மீ ஆகிய நிறுவனங்களுக்கும் அவர்கள் இந்த செய்தியை தெரிவித்தனர்.
அவர்களது கோரிக்கையை ஏற்ற இந்த நிறுவனங்கள் ‘இனி ஆன்லைனில் அதிக தள்ளுபடியில் மொபைல்கள் விற்கப்படாது. சாதாரண கடைகளில் எந்தளவு கழிவு தரப்படுகிறதோ அதே அளவே ஆன்லைனிலும் இருக்கும். மேலும் புதிய மாடல் மொபைல்கள் மற்ற மொபைல் கடைகளிலும் கிடைக்கும்போதே ஆன்லைனிலும் கிடைக்குமாறு செய்யப்படும். இந்த திட்டம் 2020 ஜனவரி முதல் அமல்ப்படுத்தப்படும்’ என தெரிவித்துள்ளனர்.
